Kya ajeeb hote hain na hum insan, ke khud apni zindagi ko kitna uljha lete hain, itni mushkil hoti nahin jitna mushkil bana lete hain, bina soche bina samjhe ke yeh to aik anmol tohfa hai jiska pal pal keemti hai, yeh aik amanat hi to hai ke jis Allah ki di hui hai wo jab chahe wapis le le, magar afsos hum phir bhi nahin sochte ke humein kadar karni chahiye is zindagi ke aik aik pal ki, Humein kadar karni chahiye us Mohabbat ki jo humari zindagi mein hoti hai, jo aik aisa tohfa hai ke humari soch wahan tak jaa hi nahin sakti…. Jane kitne hi log tarste hai is Mohabbat ko, lekin wo paa nahin sakte, unke naseeb mein waise Mohabbat hoti nahin jaisi ki wo tamanna karte hain, our kuch aise bhi to badnaseeb hote hain ke paa kar kho dete hain, kyon? Apni Anaa ki waja se apne ghuroor ki wajah se, choti choti baton ko itna barha kar ke phir wapsi ka koi rasta nahin chorhte, our yeh ke jab kisi rishte mein daraar parh jaye to laaaakh koshis ke bawjood wo waisa nahin ho pata, aik baar aitmad toot jaye to agar jurh bhi jaye to jo nishaan reh jata hai use mitana kisike bas ki baat nahin, nazrein chura sakta hai koi us baat se us haqeeqat se lekin Mohabbat ke us rishte mein wo taazgi nahin rehti wo maza nahin rehta jo Mohabbat ka haq hota hai, Lekin afsos ke is baat ko sochne keliye itne ziyada waqt nahin Mohabbat ke daawadaaron ke paas, Kehte hain na Mohabbat karna asaan hai Mohabbat nibhana mushkil, shaiyad isiliye kehte hain, ke Insan Mohabbat karke use paa ke samjhta hai ke bas ab yeh uski dastaras mein hai, kabhi na juda hone keliye, Lekin nadan hai na yeh nahin janta, jo Mohabbat se nawazta hai wo agar samjhe ke tu is kaabil nahin to wo wapis le leta hai, our bakhsh deta hai sirf Yaadon ki soghatein :)  Kabhi kabhi mujhe bouhat shiddat se ehsas hota hai ke hum Mohabbat ko kitna 4granted le lete hain, especially aajkal hmmmm…itna dukh hota hai dekh kar ke Mohabbat ko aise mazaq banaya hua hai, haan aaj wo dour hai ke aik rishta khatam hua to doosra babane mein log zara waqt nahin lagte, kitni barhi bewafayi hai na, ke aik ne agar wada torha to use bewafa kehne wale khud kuch hi lamhon baad kisi our se ehd-e-wafa ki kasmein kha rahe hote hain, to farq kya hua? Haan agar aik humsafar Allah ko pyara ho jaye tab baat our hai, ke zindagi kabhi rukti nahin, our zindagi ke sath sath chalne parhta hai iske taqaze poore karne parhte hain, lekin jeete jee Mohabbat se kiye gaye wade torhne na ka haq kisko hai? Kisiko nahin!!! Lekin shaiyad yehi baat hai hum wade Mohabbat se thodi karte hain, doosre insan se karte hai, our unhe nibha kar hum us insan pe “Ehsaan” karte hai, Kitni badkismati na, Rishton ko nibhane ki jagah hum insanon se rabta nibhate hain, our insan kahan kisika hua hai, jo apna nahin wo kisika kaise ho sakta hai, hai na? Kaash hum rishton ko samajh sakte, mehsoos kar sakte, unhe nibhate aise jaise unka haq banta hai, Our unhe nibha kar kisi pe ehsaan ka na sochte, bas itna samajh sakte ke ehsaan hum karte hain to sirf khud pe karte hai, sirf our sirf apne aaap par and bas :))))  Itne khubsurat rishton ko kaise kaise Anaa ki bhaint charha dete hain log, ghalfehmiyaan kitni kitni paalte rehte hain, Aik Kitni hi masoom se rishte ko kitna kaufnak bana dete hain is Anaa mein dhoob kar hmmm, zara sa agar Mohabbat, zara si akal, zara si “Wafa” se kaam lein to kitne hi haseen rishte mout se bach jayein, kehte hain ke kisiko jaan se maar dena gunah hai jurm hai, Mohabbat ka gala ghont dena kya katal nahin? Kehte hain khudkashi haraam hai, Anaa ke khawale khud ko karke Chahat se nazrein pair lena our phir bachtate phirna kya khudkashi se kaam hai? Jane kab samjheinge hum is baat ko ke Mohabbat sirf karni nahin chahiye, mohabbat nibhani chahiye, yeh uska hum par haq hai, humara farz hai… Aik wada kar lena our phir torh dena kyon akhir kyonnnn itna asaan ho gya hai? Kya hai iski waja? Yeh ke aajkal ke dour mein har jagah har pal “Mohabbat” pikhri parhi hai, har jagah koi na koi avalible hai,har tarf logon ko badal nazar ata rehta hai, yeh nahin our sahi our nahin our sahi, Mohabbat ke naam pe kicharh ke siwa kuch nahin hai yeh, Kisi ka dil torhne se pehle itna koi soch le ke apne seene mein bhi dil hai to shaiyad haan shaiyad Dilon ke kaatil yon roz roz dilon ka Khoon na karein, Dhoka dete waqt yeh samjah lein ke kya pata wo khud dhoke mein ho, to kitna bhala kar leinge KHUD ka, kaaash…. Lekin iske liye Zameer ka zindaa hona lazim hai :))  Anaa se itne pyar karne ki bajaye, Wafa se wafa nibhayein to kitna hi accha ho, Anaa tabahi hai barbaadi hai Mohabbat keliye, Wafa sansein hain Mohabbat keliye…. Jitna wafa mein dam hoga Mohabbat mein taazgi hogi pukhtgi hogi, jita Anaa mein dam hoga Mohabbat mein kami hogi, kamzoori hogi… Humein kyon tab hi ehsaas hota hai jab bouhat bouhat dair ho chuki hoti hai? Kyon hmmmm…. Jab hum loat kar ana chahein to kya pata Mohabbat hi humein kubool na kare…Kya pata Zindagi mohabbat ko itni mohlat hi na de ke wo humein apni aghoosh mein phir se sambhal sake… …… ………. ………… …….. ………

Kitna saach kaha jisne bhi kaha ke:

“Wafa Ki Laaj Mein usse Mana Lete
To Accha tha,
Anaa Ki Jung Mein Aksar Judai
Jeet Jaati Hai”