uljhi hui baaton mein kuch kuch uljha sa
jis tarf dekho aik na aik nadaan rehta hai,

hota hai bakhabr janta hai yeh sabkuch
jane kyon yeh zamana phir bhi anjan rehta hai,

kehne ko ho jis mukaam pe hon hazaron hi batein
kabhi kabhi waha bhi khamosh reh jana asaan rehta hai,

bas zara si khushi ko paane ki tamanna mein
jane kitne hi an-ginat ghum bebas insan sehta hai,

raiza raiza khwabon ko jo koi mehrubaan kar bhi jaye
uske naam ka gila lab pe na ane paye,wafa ka maan kehta hai,

khuda jane kaise usiki jaan ko andheron mein chorh de
wo berehm jo kal tak jiski jaan ko apni jaan kehta hai,

dafn ho jahan pe kuch suhane pal kuch haseen yadein
kuch log dil kehte hain, magr suno use jahan qabristan kehta hai,

ae dost, faqt ek hichki ka hai yeh sare ka sara khel
apne bare mein phir bhi insan ko kitna gumaan rehta hai….