*Sabr*Ka*Damn* 

Kaafi bachpan se main apni ami ko dekha hai sabr ka damn thaame hue, ghar mein koi baat hoti ya bahir kahin kisi se koi aisi baat hoti jo ke naisaafi ho mukamil, to meri ami aksar chup ho jaya karti thin, jahan pe kehne ko itna kuch hua karta tha, and keh bhi sakti thin, aisa jawab ke ghalt baat karne ya kehne wala lajawab reh jaye, tab bhi ami nahin bola karti thin And I admire her for that….

Jaise jaise main barhii hoti gayi, I sow a few times that unki aankh mein ansoo hote the jab tanhayi hua karti thi thodi, our mujhe samjhne mein yeh mushkil nahin hui kabhi ke yeh ansoo nahin wo alfaz hai jo ami ne zuban se adaa nahin kiye, jo aankh se paani bankar beh rahe hain….it used to hurt me lots, and main kehti thi ke yeh zulam hai, yahan apka haq banta hai ap bola kare, ap bataya karein ke yeh nainsafi hai, ghalt baat hai, aise to ghalt baat karne wale yehi samjhein ge na ke they are right, our sirf ap se nahin sab se wo aisa hi andaza rawaiya rakheinge, jo ke bouhat ghalt baat hai… But main kya janon ke meri ami mujhse ziyada kuch jaanti hai, our unhe Allah ki tarf se aik aisa tohfa mila hua hai jo har cheez har baat se bhaari hota hai…SABR…

Haan Sabr…aik aisa lafz jise sunte hi kehte hi log yeh samjhte hain ke bas majboori mein hi sabr kiya jata hai, jise mehsoos karne ki bajaye log yeh kehte hain ke sabr ka damn bas insan tab hi thaama karta hai jab koi our rasta na ho, jab insan bilqul bebas ho tab sabr ke siwa koi chaara nahin, well yehi to ghaltfehmi hai na, kyonke sabr to aik bouhat pyara sa kaam hai, aik bouhat sukoon-bakhsh tohfa hai, aik aisi adat hai to main to dua karongi ke Allah kare har bashar mein ho… Jahan pe ap qudrat nahin rakhte wahan pe sabr karna koan sa mushkil kaam hai, waha to waqayi koi our rasta nahin hota, Sabr ka asal maza to wahan hain ke Ap badla le sakte hain, kisi ne alfaz ke teer barsaye hain to ap waqis barsa sakte hain, kisi ne koi our sitam kiya hai to ap bhi kar sakte hain, lekin qudrat rakhte hue wohi sitam wohi zulam ya waise ghalt baat jo nahin kareinge only tab ap us ehsas us chain ko paa sakeinge jo asal Sabr karne wale paya karte hain

Sabr ko bas samjhne ki zaroorat hai, ke yeh majboori mein nahin khushi mein kiya jata hai, yeh aik darr nahin hai, yeh khauf se nijahat hai, yeh to zindagi ka aik aisa saathi hai jo kahin pe bhi maat nahin diya karta, yeh to aik aisa humsafar hai jo safar ko bouhat anmol our paidaar bana deta hai, har pal ko yaadgaar bana deta hai, koi iska damn thaam kar dekhe to, koi ise apni adat banaye to…

Kya faida hota hai bhala apne ghusse ko bekaboo chorh kar, kuch bhi to nahin, kya faida hota hai bura karne wale ke sath bura karke, kuch bhi to nahin, kya nuksaan hota hai sabr karke, Kuch bhi to nahin logon ko unke ghalt rawaiyon ka ehsas dilane ke our bhi bouhat se tareeqe hote hain, Dua aik aisa hathiyar hai ke iski taqt ka andaza hi nahin bouhat se logon ko, Sabr karne wale jab Dua karte hain, to wo Aah ki tarha upar jaati hai, our aik Ahh jis tezi se rab ke paas pohanchti hai, us tezi to sans bhi andar bahir nahin hua karti….

Sabr har mouqa pe karna chaiye, har mukaam sabr ka hona chaiye, Ap ne kuch kho diya zindagi mein to sabr karein ke Khuda ne kya pata is se behtar likha ho, Ap ne kuch paa liya, to bhi sabr our shukar karein our itna ziyda ghuroor o fakhar ki tarf na chale jaiye ke dene wale ko hi bhool jayein, Koi mushkil koi pareshani hai, koi intezaar hai, dil uljha hai, ruh bezzaar hai, kuch bhi hai Sabr ka damn hat se nahin chorhna chahiye…. Farz karein ke ap bouhat unche paharh pe hai our apka sathi jo apko bouhat hi pyara hai, jaan se ziyada aziz hai, uska paon phisalta hai our wo ghirne lagta hai, Pahar ke aik kone par latak gaya hai, ap uska haath thaam lete hai our wo wahan apni zindagi ko bachane ki koshish mein apni mukamil koshish kar raha hai, to jitna mazbooti se ap uska haath thaamein ge wo utni asaani se apna bachao kar payega…Wo paharh/mountain yeh Duniya hai, yeh Zindagi hai..our…wo apka dost SABR hai, jise thaame rakhna to itna asaan nahin lekin ap hath chorhoge nahin to apne SATHI ko bacha loge, apni jaan ko paa loge…

Aik gana hai na…
Sabr kar sabr kar, dair hai andher nahin Moula ke ghar, 
Na beth umeedein chorh ke, Wo tujhko de ga torh ke,
tere karmon ka pal laga hai jis jis shaakh par….
Jo jab hona hai tab hona hai,
Itni ziyada fikar na kar;
Tere Dil ka haal wo jane,
Honton se Tu zikar na kar…..

Yeh aik aisa gana hai jo sunte hi ruh tak mein utar jata hai, our khaas kar sabr karne walon ko our even na karne walon keliye bhi aik aisi umeed aik housla hai ke alfaz mein bayaan nahin hua jaa sakta, To let every1 know ke raat ke baad sawera lazmi hai, aaj tak koi aisi raat nahin ho payi ke jiski sehar ha hui ho, our phir sitare bhi to andhere mein hi timtimate hain hai hai na? Main apni ami ko dekhti hon to mujhe lagta hai yeh song unhi ke liye likha gya hai Lekin main janti hon yeh har us bashar ke liye hain, jo Sabr ka damn thaame hue hai….!!