Aaj meri jaan ke Ami abu, our chote behn bhai Umrah se Wapis aye hain, MshaAllah Alhamdulillah Sirf yeh tasawur karke hi aise dil mein ajeeb si khushi our sukooon sa mehsoos hone laga hai, Unhe dekhne ko milne ko Dil machalne laga hai, Kitne khushnaseeb hain jo Allah ke Allah ke Rusool(Sallalaho-Alaih-e-WaAlehiwasal) ke gharon ke itne kareeb se hokar aye hain, Waise to Allah har dil mein basta hai, Sari duniya ke zarre zarre mein Khuda ke jalwe hain, humari rag rag se ziyada paas hai wo, Lekin un jaghon ki un mukaam ki ziyadat karke aye hai yeh MashAllah Kitne naseeb wale hain

 Mera Dil chahta hai apne in parents ke, Masoom se chote behn our bhai ke hathon ko apni ankhon se laga kar thoda noor hasil kar lon ke jinho ne us paak our muqadas jagah ki kisi na kisi jagah ko to chooa hoga, Unki ankhon ko choom lon ke jinho ne itne pyare mukaam ki ziyarat ki hai, Our bas unhe dekhi jaon, jo aaj sar se paon tak bas noor hi noor chura kar laye hain MashAllah!

Wo Makka ki ronaqein, SubhanAllah kitna sukoon milta hai us jagah ka Allah Ta’lah ke us ghar ki Tv se tasaweer mein ziyarat karke, haqeeqat mein wajah mojood hona kaisa hoga, Dilon ko thaam lene ka mukaam nahin to our kya haoga, Khushi se ankhon mein ansoo ana koi ghaimamooli na hoga, Apne gunahon ki maghfrat ki duayein, our ghirhgira ka apna gunah bakhshwa lene ki arzoo our umeed liye waha lao lagana, is se barh kar our kya chaiye kisiko hmmm, Our wo Allah jo itna raheem hai ke koi jahan bhi ho, kitna hi gunehgaar kyon na ho, bas aik baar use sadq-e-dil se pukare to sun leta hai, to jab uski Chokhat pe koi sar jhukaye to kaise mumkin hai ke haali haath laotega?

Wo Madina ki roshniyan, SubhanAllah Sukoon hi sukoon chain hi chain, noor hi noor… Kisi ke tasawur se bhi ziyada rehmatein, Asmaan se barasti hain chahtein wahan pe to, Kis Qadar MashAllah khush naseeb hain yeh humare parents our behn bahi jo aaj wahan se hokar aye hain, Kitne aram se kitne noor se kitne sukoon se bhare honge Dil un sabke, Ankhon se Dil tak our Dil se ruh tak utar jane wale manaazir dekhne ke baad kya haal hoga unka, Kaash main jaan paati hmm