:) Once again mere mann mein aik bhola bhala sa khyal aya and raha nahin gya, just had to write it down, Aaaj maine aik bouhat burhe se couple ko dekha, while I was waiting for my turn at hospital, and unko dekhna tha ke mere “sochne” wala jinn jaag utha hehe… itna pyar jhalak raha tha un dono ki ankhon mein and un dono ke andaz mein, unke lehje mein ke mujhe bouaht khushi hui and maine dil mein beikhtiyar kaha “MashAllah, Allah humehsa sath and khush rakhe” sath hath mein hath thame kitne pyare lag rahe the, I think wife and hubby the (Ofcourse) our wifey thoda not well lag rahi thi, hubby sath aya hua tha to be there for her….in other words apna farz our apni mohabbat nibhane sath tha wo hand in hand Abhi bhi yahan bethe bethe unka tasawur karke mera dil khud-ba-khud muskura raha hai again, How cuteee they where :))))) Kampte haton se aik doosre ki cheezein sambhalte, kampte lehje se aik dooje se baatein karte, kampte kadmon se sath sath chalte, lekin kitne hi sukoon mein, kitne hi mutmain, lag raha tha aik bouhat lambi musafat teh karke abhi bhi dilon mein Mohabbat basaye hue the hmmm wo kya hi khubsurat couple lag raha tha, aise hi jaise koi nanne munne babies hath mein hath liye chal rahe hon, kitne masoom and pyare lagte hai na wo :))

Main sochti hon ke kuch log Mohabbat ki manzil aik dooje ko paa lene ko kehte hain, samajhte hain, ke shaadi kar lena hi paa lena hota hai our bas yeh unki manzil hoti hai, our phir aisa bhi hota hai ke wo Mohabbat ka wo hashar kar dete hain ke Mohabbat un se sharmane lagti hai, katrane lagti hai, Kya shadi Mohabbat ki manzil hai? Mere khyal se to nahin hai kam se kam, kyonke main nahin samajhti ke Shaadi Mohabbat ki miraaj hai, our na hi Mohabbat shaadi ki mohtaaj hai…. Haan lekin do chahne walon keliye shadi se behtar kuch ho nahin sakta…Magar unhe ise apni manzil nahin bana lena chahiye, ke wo phir yeh bhi bhool jayein ke unho ne apni manzil ko paaya hai… kyonke kabhi kabhi manzil pana itna mushkil nahin hota kitna us manzil pe rukna and use barqarar rakhna dushwaar hota hai :)) 

Main agar kisi se kahon ke Main bataon Manzil-E-Mohabbat kya hai? to jawab mile ga, rehni hi do coz ur ulte seedhe falsafe humari samajh se bahir hain but yaha its all my “raaaj” hehe so yahan main khul ke bata sakto hon…. Haan to main keh rahi thi ke mere nazdeeq Manzil-e-Mohabbat kya hai… simple… In tasweeron mein se har aik mein Mohabbat ki manzil nazar ati hai…. Koi mehsoos karke dekhe to samaje ke yeh Manzil kyon hai Mohabbat ki :))) kyonke yeh aik aise safar se guzar kar yahan tak aye hai jo itna mushkil nahin to itna asaan bhi nahin, lekin phir bhi inka saath hai, inke dilon mein chaht qaim hai,unche neeche zindagi ke raston mein se hokar, hath na chorhna and yahan tak pohanchne ke jiske baad sirf Qabr hi is zindagi ki manzil ho…Wo hoti hai Manzil-e-Mohabbat!!!! Jise pyar karein uske sath usi lagan our chahat se is manzil is mukaam pe pohanchna, har sard garm, dhoop chaoon, sehat bimari, ghum khushi, sabkuch sang sang sehte hue sath nibhana…haan YEH hoti hai Manzil-e-Mohabbat :)))

Mohabbat to naam hi sath burha hone ka hai in other words, kyonke jab sacchi Mohabbat hoti hai, oki oki Mohabbat to hoti hi wo hai jo sacchi ho :)) haan jab wo hoti hai to insan apne Mehboob ke sath har aik manzil ke khwab dekhta hai, uski khushi ko uske ghum ko ta’qayamat mehsoos karne ki duayein mangta hai, yeh jaise pic mein hain pyare pyare couple, inki tarha hand in hand peacefully chalte jane ki duayein magte hain…. Saaara safar teh karke phir aram se aik doosre ki akhri manzil(Mout) ko asaam karne keliye sath sath hote hain, yehi to hoti manzil-e-Mohabbat :))) nahin? yea….

Apni zindagi ke haseen lamhon ko dubara jeena, un yaadon ko dubara jagana, and ladhkarhate kadmon se bhi khud ko jawan samjhna and wohi Mohabbat jo ke jiska hath thame jisko mann mein dil mein basaye yahan tak har toofaan se guzarte pohanche, kitne maan se kitne fakhar se ap ghardan jhukaye but ruh ko unchayi ki bulandiyon mein rakhte chalte jaaate hain, muskurate hain, aik dooje ka Allah ke baad sahara bante hain, aik dooje ko sambhalte hain, aik dooje ke dil ka chain, ruh ka sukoon bante hain… Burha hone ka matlab yeh to hargiz nahin hota na ke Mohabbat bhi burhi ho gayi hai, our jaise hath kampte hain Mohabbat bhi hawa ke jhoke se urh jati hai, Mohabbat boorhi nahin hoti,kabhi bhi nahin, haan mazboot zaroot hoti hai, gehri hoti hai, our jitna insan kamzoor hota hai yeh utni hi paidaar hoti hai, jis pyar se  jis maan se jis khuloos se yeh burhe hath aik dooje ke haath thaama karte hain, itni taqt to pehlwanon mein bhi na ho, itni narmi to roses ki bhi na hoti hogi :)))

Kuch log kitne afsos ki baat hai samjhte hain ke aik doosre ki zaroorat bas jawani tak hi hai, Mohabbat guzarte waqt ke sath sath madham ho jati hai, our agar na bhi ho to, yaar log kya kaheinge ke is umar mein bhi Mohabbat na nasha chara hua hai :p well main to kehti hon yehi to umar hoti hai Mohabbat ki, aik dooje ke ehsas ki, aik doosre ko batane ki ke kitni chahat hai, our how much this life with you by my side is appriciated, valued and treasured :)))

Meri dua hai Allah mera our mere Mehboob ka sath ta’qayamt tak dena, Our humari Mohabbat ko salamt rakhna, Jitni aaj hai us se bouhat ziyada Mohbbat aik doosre keliye humare dilon mein dhaalna, humare haath jab kamp rahe hon tab humari Mohabbat humein thaame, humare kadam jab ladkharheyein to humeri chahat humein sahara de, humein Manzil-e-Mohabbat ki khushi naseeb karna Allah…Our is duniya mein har Mohabbat karne walo ki absolutely Sab ke sabki Mohabbat ko salamat rakhna, Ameen :)))