Aaj jab main jaagi to tabiyat ajeeb bojhal si thi, bas yonhi bouhat lazy sa feel kiya khud ko, Kuch to sunday ka kamaal to kuch bas yonhi phir kya hua ke maine bahir dekha to kaafi barish ho rahi thi, awww aik dam se mood fresh ho gya, thoda thoda halka halka romantic :shy:  thoda bas muskurane ko tabiyat machalne lagi… Mere is  andaz ne mujhe sochne mein dhaal diya ke kya humare andar ke mousam bahir ke mousmon se jurhe hue hain? kya humare muskurane ke udas hone ke, khush hone ke, Gungunane ke, kahmosh rehne ke, kuch karne na karne ka mood sab bahir ke mousam par depend karte hain? Agar aisa hai to Allah help us hum bouhat hi mushkil mein hain hehe….

Bahir ke to hazaron mousam hote hain, our pal mein badalte rehte hain, aik lamha mein agar suraj nikla hua hai, to kya pata agle pal mein suraj mein hi barish hone lage our rainbow poori apni khubsurti sath asmaan ko saja jaye, aik pal mein agar toot kar barsaat ho rahi hai to aik dam aise tham jaye ke kisi bhoond ka koi naam o nishaan hi na rahe Bas yehi to baatein hain bahir ke mousamon ke, to gar hum insanon mood our dilon ke mousamon ka ta’luq bahir ke mousam se ho jaye to ho gya na kaam hehe…

Ya phir…. Humare andar ke mousam se sab bahir ke mousam jurhe hue hain? Haan yeh ziyada accha laga hai sochna :)) kyonke humare andar ke mousam agar haseen hain to har mousam pyara lagega, hum andar se mutamin our khush hain to har mousam wohi mousam mehsoos hoga jo mousam humein accha lagta hai, agar kisiko barish acchi lagti hai to har mousam barsaat ka jo agar dil khush hai to, our agar dil udas to har mousam bekaar… So mere khyal se mousam humare dilon se hain, na ke humare Dil mousmon se :)  

 Allah se dua mangni chahiye ke wo humare mann ko dilon ko roshan our mutmain rakhe, ke hum bahir ke har mousam enjoy kar sakein, our har haal mein Allah ke sab pyare pyare mousamon se khush reh sakein, ke Har mousam ka apna maza hota hai, apna aik andaz our apna raaz hota hai, Yeh rang badalte mousam humari zindagiyon ki ranginiyan hi to hote hain, jinhe hum apne andar apni ruh mein mehsoos karke muskurate hain

Khiza ke mousam me jab patte murjha jate hain our dil unki bebasi par thoda udas ho jata hai to Bahar ka jab mousam ata hai to yeh khyal bedaar kar jata hai ke zindagi ki umang umeed baki hai, jo gul murjha gaye wo phir se taza ho gaye, our humein aik housala de jata hai yeh mousam ke Zindagi mein agar aaj raat hai to sawera bhi hoga, Aaj agar patjharh ka mousam hai to Bahar bhi ayegi, our phir hum Shukarguzar hokar khiza ko bhi enjoy karte hain, rangbirange paaton mein bhi kuch maslihat to hoti hogi na, koi bhi mousam yonhi bekaar to nahin na, Allah mian ki koi bhi baanyi hui cheez koi bhi Qudrat ka kanoon bekaar nahin kehlaya jaa sakta na hota hai, bas thoda ghour karne ki zaroorat hoti hai, And phir har mousam zindagi ka, jeene ka, khwabon ka, umangon ka, muskurahton ka mousam lagega, Har ane wala mousam aik paigham lata hai our har jane wala mousam kuch lesson de kar hi jata hai, bas Dil our mann ke mousam ko taza rakhne ki koshish honi chahiye :)))